नाही कसे कळले, सूर कधी जुळले

 

नाही कसे कळले

सूर कधी जुळले 

प्रेमाच्या आपल्या 

गीत कसे बहरले 

प्रेमाच्या छेडील्या तारा 

गुंजतो बेधुंद वारा 

 आयुष्यभरासाठी आता 

तुझाच निवारा 

हरवले तुझ्या नजरेत 

फुलले तुझ्यासमवेत 

विसावले कायमची 

तुझ्याच कवेत 

प्रेमाचे आपल्या क्षण 

साऱ्या जीवनाची साठवाण 

जपली मनाच्या कोपऱ्यात 

तुझी माझी आठवण 

तुझ्या प्रेमसागराचा मी काठ 

नको सोडू कधी हात

मिटले जरी डोळे मी 

तरी देईन तुलाच साथ 

- सुप्रिया नार्वेकर